Mjeku Edmond Gashi, i përfshirë në dosjen e skandalit të Onkologjikut, ku pacientëve me tumor nuk u jepej shërbimi, por i orientonin drejt privatit ka mbërritur në Gjykatën e Tiranës. Para gazetarëve ai tha: "Unë bëj vetëm punën time"
Ndaj mjekut Gashi është caktuar masa e sigurisë arrest në shtëpi, ndërsa sot në Gjykatë të gjithë personat e përfshirë në dosje do të njihen me masat e sigurisë. Sipas Prokurorisë, këta persona, në bashkëpunim me njëri-tjetrin kanë “shpërdoruar detyrën”. Sipas dosjes, specialistët dhe administratori i spitalit orientonin pacientët e diagnostikuar me sëmundje tumorale në klinika private me qëllime përfitimi, duke mos u ofruar shërbimet në spitalin Onkologjik në QSUT.
