E veja e liderit të ndjerë të opozitës ruse Alexei Navalny ka paralajmëruar se presidenti Vladimir Putin është i paparashikueshëm, duke thënë se nuk mund të përjashtohet që një ditë ai mund të përdorë armë bërthamore. Navalnya e krahasoi rastin ekstrem me pushtimin rus të Ukrainës, duke thënë se ajo nuk priste që Putin të shkonte në ofensivë atëherë, duke pasur parasysh lidhjet e forta midis dy vendeve.
“Ne nuk e dimë se çfarë të presim prej tij,” tha Yulia Navalnaya.
Ajo komentoi gjithashtu arrestimet e fundit të disa spiunëve të dyshuar rusë në Europë, duke thënë se ato janë një tjetër tregues se Putini ka bërë prej kohësh luftë në zemrën e Europës, duke përdorur çdo mjet të nevojshëm.
“Putin nuk e filloi vetëm tani, ai e ka bërë këtë që nga fillimi. Ai fillon luftërat, vret kundërshtarët e tij. Unë kam besuar gjithmonë se ka shumë spiunë rusë në Europë; spiunë rusë, është e qartë”, tha Navalnaya.
