Isla Fisher dhe Sacha Baron Cohen janë ndarë pas 13 vitesh martesë. Të premten, ish-çifti hyri në Instagram për të konfirmuar se ata aplikuan për t'i dhënë fund martesës së tyre vitin e kaluar.
“Pas një ndeshjeje të gjatë tenisi që zgjati mbi njëzet vjet, ne më në fund po i lëmë raketat tona”, shkroi Fisher,mbi një foto të saj dhe Cohen, në Instagram Story. "Në vitin 2023 ne kërkuam t'i jepnim fund martesës sonë. Ne gjithmonë e kemi pasur prioritet privatësinë tonë dhe kemi punuar në heshtje për këtë ndryshim."
Aktorja e Wedding Crashers e përfundoi deklaratën me një shënim mbi dëshirën e çiftit për privatësi, duke shkruar: "Ne ndajmë përkushtimin dhe dashurinë tonë për fëmijët tanë. E vlerësojmë sinqerisht që respektoni dëshirën e familjes sonë për privatësi."
Cohen dhe Fisher u takuan në një festë në Sydney, Australi, në vitin 2001. Ish çifti e mbajti lidhjen të fshehtë për ca kohë, por njoftuan fejesën e tyre në vitin 2004.Pas fejesës gjashtëvjeçare, u martuan në një ceremoni private në Paris në mars 2010. Ata kanë tre fëmijë së bashku: vajzën Olive, bajzën Elula dhe djalin, Montgomery,
Lajmi për ndarjen e tyre vjen një javë pasi Rebel Wilson zbuloi se Sasha është aktori që ajo i referohet si një "asshole" në kujtimet e saj të ardhshme, Rebel Rising./Lapsi.al
