Shakira ka nxitur së fundmi aludimet për një romancë të re dashurie.
Artistja u fotografua teksa dilte për darkë së bashku me aktorin e Emily in Paris, Lucien Laviscount në New York City. Dyshja shijuan një darkë në NYC Carbone pas performancës surprizë të Shakira-s, gjatë së cilës 47-vjeçarja i këndoi një turme prej më shumë se 40,000 fansash në Time Square për të festuar publikimin më 22 mars të albumit të saj të ri, Las Mujeres Ya No Lloran.
Kjo pamje vjen gjatë një kohe të ngarkuar për këngëtaren "She Wolf", e cila, përveç albumit të saj të ri, po përshtatet me një epokë të re personale pas ndarjes së saj në qershor 2022 nga Gerard Piqué.
“Për një kohë të gjatë e lashë karrierën time në pritje, për të qenë pranë Gerardit, që ai të luante futboll”, tha ajo për Times në një intervistë të botuar më 16 mars. “Kishte shumë sakrifica për dashurinë”.
Në fakt, Shakira ka qenë e sinqertë për tradhtinë që ndjeu gjatë ndarjes së saj, veçanërisht pasi Gerard – me të cilin ndan fëmijët Milan, 11 vjeç dhe Sasha, 9 vjeç – doli publikisht me të dashurën e tij të re Clara Chia Marti vetëm tre muaj pas ndarjes së tyre.
"Të uroj fat me zëvendësimin tim " këndoi ajo në "BZRP Music Session #53" të vitit 2023 (përkthyer nga spanjishtja në anglisht). “As nuk e di se çfarë të ka ndodhur / Je aq i çuditshëm sa nuk të njoh më”.
