Gjermania është vënë në shënjestër të kritikave nga tifozët dhe mediat pas eliminimit nga Botërori 2022. Panzerat dolën jashtë në grupe, pavarësisht 4-2 ndaj Kosta Rikës. Polemika të reja kanë shpërthyer me një detaj, në dukje i vogël, por shumë sinjifikativ. E këtu përfshihet edhe Federata e Futbollit, sa për të treguar kaosin që po përjetojnë gjermanët. Sipas Sport1, në fakt, DFB e kishte rezervuar fluturimin e kthimit të skuadrës për sot. Dhe e kishte bërë para se të luante kundër Kosta Rikës. Ky është një konfirmim indirekt, një shenjë e dorëheqjes së ambientit edhe para se të luheshin shanset në ndeshjen e fundit të grupit E.
Polemikat mënjanë, nga ana tjetër, është normale që makineria organizative e një kombëtare si Gjermania, të lëvizë në avancë në ngjarje të tilla. Kështu, rezervimi i fluturimeve dhe akomodimi bëhet shumë përpara. Në rast se do të shkohej në 1/8, plani i ri i përshtatur për qëndrimin në Katar, ndoshta do të ishte gjithashtu gati.
Lexo më tej: Video/ Gjermania eliminohet nga Botërori: fitorja 4-2 me Kosta Rikën nuk shërben
“Dramë milimetrike!”. Kështu hapet Bild mëngjesin e së premtes, një ditë pas eliminimit të Gjermanisë nga Kupa e Botës 2022 në Katar. Nuk mjaftoi fitorja 4-2 ndaj Kosta Rikës. E skuadra e Flick është e dënuar, duke pësuar kështu një “disfatë të turpshme në Kupën e Botës”.
