Uellsi përballet me armiqtë e vjetër të Anglisë në stadiumin Ahmad bin Ali, në një ndeshje që për Bale e të tjerët është vendimtare. Në Grupin B, të Kupës së Botës 2022, Anglia do të kalojnë në 16 më të mirët si fitues të grupit me një fitore. Shumë e komplikuar situata për Uellsin, i mundur befasisht 2-0 nga Irani. Tani skuadra e Page duhet vetëm të fitojë dhe të shpresojë që rezultati tjetër të shkojnë në favor të tyre për të pasur një shans për kualifikim.
ANGLIA
Kundër Shteteve të Bashkuara, skuadra e Southgate humbi atë vrull ofensiv që mori përpara me valangë Iranin. Barazimi i humbi Anglisë mundësinë për të përfunduar në vendin e parë me një ndeshje ende për tu luajtur. Një fitore do të konfirmonte vendin e Anglisë në 16 më të mirët, si fitues të Grupit B. Barazimi do të mjaftonte gjithashtu që kampionët e botës në 1966 të kualifikoheshin. Por do të përçonte një ndjesi të njohur pesimizmi ndër anglezët për pjesën tjetër të turneut. E habitshme të mendosh që një nga skuadrat më të kuotuara të Katar 2022 ka një rekord kaq të brishtë. Vetëm një fitore nga tetë ndeshjet e fundit në të gjitha kompeticionet.
UELLSI
Uellsi i la tifozët e tij të shkatërruar, kur u nënshtrua ndaj goditjeve të Cheshmi dhe Razaeian, në ndeshjen e humbur 0-2 me Iranin. Tani, vetëm një grup rrethanash, jo tërësisht në duart e tyre, do të bëjnë skuadrën e Rob Page të kualifikohet. Në fund të grupit me vetëm një pikë, Uellsi duhet të mundë Anglinë. Si dhe të shpresojë që përballja e Iranit me SHBA të përfundojë në barazim, për të siguruar një vend në fazën eliminatore.
Një fitore për iranianët ose amerikanët do t’i eliminonte uellsianët, vetëm nëse ata nuk mposhtin skuadrën e Gareth Southgate me katër gola diferencë. Cështja është se seria e tyre pa fitore në të gjitha garat tani është në shtatë ndeshje. E nëse Uellsi nuk arrin të marrë tre pikët kundër Anglisë, kjo do të shënojë herën e parë në historinë e tyre që ata mbyllin një turne të madh pa asnjë fitore.
FORMACIONET
Formacioni i mundshëm i Uellsit:
Ward; Mepham, Rodon, Davies; Roberts, Ramsey, Ampadu, Williams; James, Moore, Bale
Formacioni i mundshëm i Anglisë:
Pickford; Walker, Stones, Maguire, Shaw; Rice, Henderson; Sterling, Mount, Foden; Kane
PRECEDENTET
Përballja në Ahmad bin Ali Stadium do të shënojë herën e parë në histori që Tre Luanët përballen me një kombëtare tjetër britanike në Kupën e Botës. E sigurisht që nuk do të ketë asnjë dashuri mes tyre, ndërsa përgatiten të sfidohen për herë të 104 në histori. Bilancet janë në favor të Anglisë, fituese në gjashtë të fundit radhazi e në 68 në total, ndaj 14 të uellsianëve.
Lexo më tej: Video/ Anglia nuk di të mundë SHBA-në në Botëror: në Grupin B vendoset gjithçka në ditën e fundit
Anglia vs Uells
Fitore: 68
Barazime: 21
Humbje: 14
