Argjentina dështon me bujë e mundur 1-2 me përmbysje nga Arabia Saudite në debutim. Mund të kujtosh mallkimin e Messit në Kupën e Botës. Pleshti gjithmonë ka munguar në mënyrë sensacionale në impaktin me Kupës së Botës. Por e vërteta është se problemet e Argjentinës, e mposhtur nga Arabia Saudite, janë shumë të mëdha.
Argjentina u shfaq menjëherë shpenzuese, e bindur a priori për të fituar një ndeshje, që dukej e lehtë. E në vend të kësaj u luhej top për top, sepse kombëtarja arabe e kishte vendosur në këtë mënyrë. Më pas “qëndrueshmërisë” psikologjike i duhet shtuar edhe menaxhimi taktik-teknik i ndeshjes. Scaloni, zgjodhi menjëherë një mesfushë më cilësore se sa luftarake, pa mundur të nxjerrë kundërshtarin nga prapavija. E gjitha kundër një formacioni, ai i Renardit, pak i vjetër në impostim, me një pozicion jashtë shumë lart, që i anulloi tre gola Argjentinës. Lautaro, dy gola të anuluar, pastaj vetë Messi, i cili zhbllokoi ndeshjen me penallti.
Një penallti nga ato që nuk jepen kurrë (frenim i lehtë i Paredes në zonë) por që në këtë Botëror i dhanë Messit golin e parë në Botëror. Dukej si fryma e parë e një goleade. Përkundrazi ishte vetëm një psherëtimë. Sepse Messi përfundoi aty dhe pjesa tjetër e skuadrës nuk mori asgjë përsipër. Arabia Saudite mbylli llogaritë në 5 minuta në fillimin e pjesës së dytë. Fillimisht e majta e Al Shehrit (48'), pastaj e djathta e Al Dawsarit në shtyllën e largët (53'). Dy shuplakat zgjuan më shumë zemërim dhe teknika e Argjentinës humbi përfundimisht. Alowais, Abdulhamid, Al-Tambakti dhe Al-Bulayhi bllokuan çdo përpjekje të Albiceleste për të rrëmbyer të paktën një pikë. Mund të quhet mallkimi i Messit në Kupën e Botës, por e vërteta është se kjo nuk është e gjitha.
