Aventura e parë e Ballkanit në fazën e grupeve të Conference League është mbyllur me humbjen 1-0 në transfertën me Cluj. Protagonist portieri Frashëri me dy penallti të pritura. Skuadra e Ilir Dajës e mbylli Grupin G në vendin e fundit me 4 pikë. E megjithatë performanca e kosovarëve duhet duartrokitur. Një prezantim dinjitoz, me një barazim në Fadil Vokrri pikërisht në debutimin me rumunët, por edhe një fitore në transfertë më Sivasspor. Turqit janë ata që marrin vendin e parë, para Cluj, duke lënë Slavia Prague në vendin e tretë.
Skuadra e Dajës ka zhvilluar një ndeshje pozitive, por ndeshja u kompromentua shpejt nga goli i Adjei-Boateng. Sulmuesi shënoi në minutën e 17, duke e bërë më të thjeshtë detyrën për rumunët. Ballkani megjithatë luajti të gjitha shanset, kundër një rivali shumë më ekspert e që kontrolloi ndeshjen. Për t'i shënuar golin e dytë formacionit kosovar gjithësesi ishte një mision i pamundur sepse Stivi Frashëri u bë protagonisti absolut. Mbi të gjithë, Frashëri priti penalltinë e akorduar në minutën e 35 ndaj Daec dhe më pas përsëritjen e saj.
Ballkani largohet nga Europa, edhe pse tregoi se me dicka më shumë në aspektin e përvojës mund ta kishte lejuar të merrte më shumë. Ilir Daja përsëriti arritjen e bërë me Skënderbeun në Europa League, në një sezon historik me Ballkanin në Conference...
NDESHJET E TJERA
Fitore e bukur për Fiorentinën në ndeshjen e fundit të Grupit A të Conference League. Viola triumfuan 3-0 ndaj RFS Riga falë golave të Barak, Cabral dhe Saponara në pjesën e parë. Megjithatë, ky sukses nuk mjafton për të marrë vendin e parë në grupin A. Në ndeshjen tjetër Basaksehir në fakt mundi Hearts 3-1 dhe kështu janë turqit ata që shkojnë direkt në raundin e dytë. Për skuadrën e Italiano do të jetë i nevojshëm play-off. Në Grupin E, AZ ka fituar 2-1 sfidën direkte me Dnipro, duke i marrë vendin e parë. Ukrainasit shkojnë në playoff, ndërsa Apollon mposhti 1-0 Vaduz, duke siguruar vendin e tretë. Djugarden e Gent fituan ndeshjet e tyre. Suedezët e kishin siguruar vendin e parë para se të mundnin 1-0 Shamrock. Ndërsa belgët kanë pasur nevojë për fitoren 4-0 ndaj Molde për t'i kaluar në renditje. Slovan Bratislava mori vendin e parë në Grupin H, falë fitores 1-2 me Zalgiris. Në playoff shkoi Basel, triumfues 1-2 në fushën e Pyunik.
REZULTATET
Europa Conference League Group A
Istanbul Basaksehir 3-1 Hearts
RFS 0-3 Fiorentina
Europa Conference League Group E
Apollon Limassol 1-0 FC Vaduz
AZ Alkmaar 2-1 SC Dnipro-1
Europa Conference League Group F
Djurgaarden 1-0 Shamrock Rovers
Gent 4-0 Molde
Europa Conference League Group H
Pyunik 1-2 Basel
Zalgiris Vilnius 1-2 Slovan Bratislava
Europa Conference League Group G
CFR Cluj 1-0 Ballkani
Slavia Prague 1-1 Sivasspor
