Udinese e Sottil vazhdon të impresionojë me ecurinë e tyre në kampionat. Bardhezinjtë mundën 3-1 Inter në javën e shtatë të Serie A. Friulianët e panë veten në disavantazh në minutën e 5' në goditjen e lirë të Barella. Bardhezinjtë reaguan duke barazuar falë autogolit të Skriniar (22'). Pjesa e dytë krejt e njëanshme me vendasit që gjetën golin e përmbysjes në minutën e 84 me Bijol. Në fund Arslan i dha përmasa fitores, duke e vendosur Udinese në krye të renditjes me 16 pikë.
U duk një fillim i lehtë për Interin, që kaloi në epërsi në minutën e 5' me një goditje dënimi. I shkëlqyer Barella që mposhti Silvestrin. Skuadra e Sottilit nuk e ndjeu goditjen, përkundrazi, minutë pas minute u rrit në intensitet. Frytet u panë në minutën e 22-të me friulianët që favorizuan autogolin e Skriniar gjatë një goditje dënimi. Zikaltrit u kuptua që ishin në telashe, kështu që Simone Inzaghi përmbysi strategjitë pas gjysmë ore. Jashtë Bastoni dhe Mkhitaryan, për Dimarco dhe Gagliardinin, për të provuar të ndryshojë drejtimin e lojës. Në pushim megjithatë shkohet në 1-1.
Lexo më tej: Video/ Handanovic pret, Brozovic befason Torinon në minutën e 89′: Inter ngrihet pas humbjeve, duke vuajtur
Performanca e ofruar në pjesën e dytë nga skuadra e Sottilit është e shkëlqyer. Disa herë friulianët iu afruan epërsisë, që erdhi në minutën e 84 me Bijol që mposhti Handanovic. Trisi bardhezi u fiksua nga Arslan, në shtesë të plotë. Në pritje të ndeshjeve të tjera, Udinese gëzon një vend të parë të jashtëzakonshëm në renditje me 16 pikë të shënuara.
