Kampion bote në Beograd. Një arritje e paprecedentë e mundjes shqiptare. Zelimkhan Abakharov shkruan historinë në turneun më të rëndësishëm të këtij sporti, duke i siguruar atdheut të tij të adoptuar kurorën e më të mirit të botës. Abakarov arriti në finale e kategorisë së peshës trupore deri në 57 kg në mundjen e lirë, ku përballë amerikanit Tomas Gilmen, dominoi edhe në ndeshjen finale, duke siguruar medaljen e artë dhe duke u shpallur "kampion bote" në kryeqytetin e Serbisë.
Një arritje e madhe e mundësit kuqezi Abakharov, i cili në finalen e zhvilluar, e ka mundur amerikanin 7-4. Më pas festa e tij ka qenë e përligjur, duke festuar me flamurin kuqezi në tapet.
Lexo më tej: Video/ Luiza Gega Kampione e Europës. Thyen rekordin kontinental
Sportisti i trajnerit Leonard Çakmashi shkëlqeu në tapetin e Kampionatit Botëror, ndoshto për dëshpërimin e publikut serb. Në gjysmëfinale mposhti mundësin serb Stevan Miçiç, i cili është medalist Olimpik.
Në kategorinë e peshës trupore deri në 61 kg, mundësi tjetër kuqezi, Islam Dudaev u kualifikua pa vështirësi në turin e 16-shes në Botërorin e mundjes. Në turin eliminator, mundësi kuqezi eliminoi kinezin Minghu Liu. Dudaev e fitoi ndeshjen 5-0. Tani ai do të përballet tashmë me japonezin Rei Higuçi, ndërkohë që shpreson të arrijë edhe ai podiumin.
