Flash

Video/ E pabesushme në Serbi: arbitri anulloi golin, duke parë rastin në telefonin e një tifozi

Lapsi.al 17 September 2022
Video/ E pabesushme në Serbi: arbitri anulloi golin, duke parë rastin
Ndërsa në Shqipëri e në kampionatet elitare europiane diskutohet mbi vendimet e VAR ose arbitrave, në Serbi ka nga ata që përdorin metoda më të thjeshta. Në një ndeshje, arbitri serb, gjatë një ndeshje kampionati, e përmbysi vendimin e tij, pasi pa rastin në telefonin smartphone të një tifozi prezent në shkallët e stadiumit. Zyrtarit të ndeshjes iu desh të përballej me një episod të dyshimtë gjatë ndeshjes së një divizioni inferior. Një lojtar arriti të shënojë me kokë dhe sipas gjyqtarit goli ishte i rregullt. Megjithatë, skuadra kundërshtare dhe tifozët e tyre nuk ranë dakord dhe filluan të protestojnë. Sipas tyre, në fakt lojtari që kishte shënuar golin ishte në pozicion jashtë loje. Arbitri nuk e humbi toruan dhe e zgjidhi menjëherë problemin. Ai zgjodhi të rishikojë aksionin. Në VAR? Jo ekzaktësisht. Lexo më tej: Skandali i golit të anulluar të Milik, Bonucci: “Candreva më mbante në lojë, VAR e injoroi” Një VAR "bëje vetë", kështu mund të përcaktohet. Arbitri mbërriti te tifozët dhe i pyeti se kush kishte regjistruar minutat e fundit të lojës para protestës. Për fat të mirë, një burrë kishte filmuar të gjithë aksionin dhe ia tregoi videon arbitrit. Pasi kontrolloi në smartphone, arbitri e rrëzoi vendimin e tij. Lojtari ishte jashtë loje, kështu që goli nuk ishte i vlefshëm. Imazhet dhe videot e kësaj skene surreale kanë pushtuar rrjetin. Ka nga ata që kanë pyetur nëse përdorimi i telefonave inteligjentë lejohet nga ndonjë rregullore dhe nga ata që kanë ironizuar: "VAR tani është i disponueshëm në Google Play Store".

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

15°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI