Flash

Allegri nuk duron dot më: "Nga 2-0 në 1-1 e me një penallti kundër. Duhet ndryshim mentaliteti"

Lapsi.al 4 September 2022
Allegri nuk duron dot më: "Nga 2-0 në 1-1 e me një penallti

Barazimi në Franchi ka një shije të hidhur për Massimiliano Allegrin: Juventus vuajti kundër Fiorentinës së Italianos, por në fund doli me një pikë shpëtimtare. Trajneri i Juventusit shprehet “i lumtur me rezultatin e pestë të dobishëm radhazi”, edhe pse “në momente të tilla loja duhet vrarë, por ne nuk u treguam të aftë”. Kështu, pika e kthesës së sezonit nuk ka ardhur ende për bardhezinjtë: "Në fund isha pak i zemëruar sepse donin të fitonin ata. Mund të shfrytëzonim më mirë disa kundërsulme, por ndeshja duhej të mbyllej në pjesën e parë. Ky është një ndryshim mentaliteti, ato janë topa të rëndë që të ndryshojnë ndeshjen”.

Trajneri i Juventusit reflektoi edhe për zëvendësimet, të cilat padyshim ndikuan në ecurinë e pjesës së dytë: "'Di Maria duhej të dilte dhe unë duhej të vendosja Cuadradon, që më lart vuan. Doli edhe Paredes, futa Fagiolin dhe Mirettin. Në momente si këto mund të humbasësh ndeshjet... ". Krahas zëvendësimeve, ndeshja u diktua edhe nga episodet: "Njerëzit duhet të kuptojnë se topi i Juves është i ndryshëm nga ai i skuadrave të tjera. Pastaj, shkojmë nga goditja këndore për ne dhe pësojmë gol. Ndryshoi loja në nivel psikologjik”. Dusan Vlahovic nuk luajti, por mungesa e tij megjithatë nuk u përcaktua nga faktori mjedisor, referuar rikthimit në Firence: "Nuk mund të bëja më shumë se 5 ndryshime. Alex Sandro kishte një problem me fleksorin, hoqa Paredesin se ishte lodhur, pastaj doli Di Maria. Futa Kean që mund t'i jepte thellësi, Milik është i zoti të na nxjerrë përpara. Vlahovic pushoi dhe është gati për ndeshjet e radhës." E për kuotën e titullit: "Tani nuk është shumë e lartë, varet nëse ndonjë ekip do të fillojë të bëjë diferencën. Le të shpresojmë të jemi ne".

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

14°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI