Pasi ishte në qendër të zërave të merkatos për muaj të tërë, për kalimin e tij të mundshëm te Real Madrid, Kylian Mbappé ka përfunduar tani në qendër të lajmeve gosip. Sipas asaj që bën të ditur shtypi francez, në fakt, pas përfundimit të lidhjes me aktoren Emma Smet, sulmuesi i Paris Saint-Germain tashmë është në lidhje me një modele të Playboy, Ines Rau, e famshme në mbarë botën si modelja e parë transgjinore që mori kopertinën e Playboy në 2017.
Të dy, janë pikasur për herë të parë së bashku majin e kaluar në Festivalin e Filmit në Kanë, ndërsa së fundmi janë fotografuar edhe në bordin e një jahti. Për momentin asnjëri prej tyre nuk ka dashur të komentojë thashethemet që qarkullojnë.
