Video/ Penalltia “ngec” 8 sekonda: ekzekutimi i Jardel habiti botën

Gjatë historisë, ka pasur shumë mënyra të çuditshme për të ekzekutuar një penallti. Megjithatë, vitet e fundit, ata që i godasin janë specializuar në vrapime atipike që synojnë çorientimin e portierëve. Ngadalësim, frenim, përshpejtime të papritura, e rëndësishme është që goditësi të mos e ndalë kurrë vrapimin drejt pikës së bardhë. Por, nëse vrap nuk ka fare? Mjeshtri i goditjes nga pozicion i ndaluar ishte Beppe Signori, i cili e bëri atë një nga markat e tij. Por ajo që u pa në Portugali, në ndeshjen e Divizionit B ndërmjet Feirense dhe Leixoes, është diçka që e çon këtë model në një nivel ekstrem: protagonist ishte Jardel, sulmuesi i vendasve. Në disavantazh 0-1, Feirense fitoi një penallti në minutën e 64. Jardel u paraqit te peika e bardhë dhe, pasi vendosi me përpikëri topin, vendosi këmbën e tij mbështetëse pranë tij dhe ngriti këmbën tjetër gati për goditje. Vetëm se, ai e mbajti gjymtyrën në ajër për 8 sekonda të pafundme, krejtësisht i palëvizshëm. Pastaj papritmas goditi dhe mposhti portierin kundërshtar Beunardeau në të majtën e tij. Portieri i Leixoes, padyshim i befasuar, nuk mundi të reagonte si duhet dhe të arrinte goditjen, për të thënë të vërtetën as shumë në kënd.

?????? ????? ???? ? Level: ???#LigaPortugal #LigaPortugalSABSEG #NãoPára #CriaTalento #createstalent #futebolcomtalento #marcaomundo #MeuClubeMinhaCidade #CDFLSC pic.twitter.com/wrst0Ll9xe

— Liga Portugal (@ligaportugal) August 21, 2022

Me kohën praktikisht të mbaruar, gjyqtari fishkëlleu një penallti të dytë në favor të Feirense. Jardel u shfaq sërish në vend, me mundësinë për t'i dhënë skuadrës së tij 3 pikë shumë të rënda. Sulmuesi përsëriti rutinën e tij: këmbën mbështetëse pranë topit, këmbën e djathtë në ajër dhe sekonda të gjata pritjeje pa lëvizje. Por, këtë herë portieri kundërshtar priti momentin e duhur për t'u zhytur drejt të njëjtit kënd si penalltia e mëparshme, duke arritur të ndërpresë goditjen dhe të shpëtojë rezultatin përfundimtar 1-1. Herën e parë i shkoi mirë, por me sa duket ai sfidoi paksa shumë fatin (dhe inteligjencën e portierit ...). Megjithatë, mënyra e tij e goditjes së penalltisë mbetet një risi absolute.