Dy barazime në ndeshjet e mbrëmjes së Serie A, tre në katër ndeshjet e luajtura të dielën për javën e dytë të kampionatit. Milan ndalet në Bergamo nga Atalanta, ndërsa nuk fiton as Bolonja në shtëpi me Veronën e Fiorentina në transfertën e Empolit. Suksesin e vetëm e mori Napoli, që me një poker shkatërroi Monzën e Berlusconit, gjithnjë e fundit.
ATALANTA 1-1 MILAN
Atalanta-Milan përfundoi 1-1, një sfidë e vlefshme për javën e dytë të Serie A. Në stadiumin Geëiss në Bergamo u zhvillua një ndeshje intensive dhe emocionale, me Milanin që e nisi fuqishëm duke u përpjekur të imponojë lojën e tij, por u ndëshkua në minutën e 29' nga e majta e Malinovskyit. Në pjesën e dytë, kuqezinjtë u hodhën përpara në kërkim të barazimit, të cilin e gjetën në minutën e 68-të me një finalizim të shkëlqyer të Bennacer. Nga një pikë për Gasperinin dhe Piolin, që nuk mbajtën dot hapin e Interit dhe Napolit.
BOLOGNA 1-1 VERONA
Bolonja dhe Verona anuluan njëra-tjetrën në ndeshjen e zhvilluar në Dall Ara. Arnautovic zhbllokoi takimin në minutën e 21-të me një djathtë tokazi në krosimin e Kasius. Henri barazoi me kokë në sugjerimin e Lazoviçit në minutën e 43-të, për rezultatin përfundimtar 1-1. Të shumta mundësitë për të dyja skuadrat për të shënuar edhe në pjesën e dytë, derisa kur vendasit mbetën me dhjetë lojtarë për shkak të përjashtimit direkt të Orsolinit.
NAPOLI 4-0 MONZA
Napoli i Spallettit buzëqesh sërish, pasi mundi 4-0 Monzën e Stroppas në javën e dytë të Serie A. Të kaltrit hipotekuan tre pikët që në pjesën e parë falë perlës së Kvaratskhelias në minutën e 35-të dhe sprintit të Osimhen në minutën e 47-të. Gjeorgjiani shënoi dygolëshin personal në pjesën e dytë, duke përdorur një teknikë fine në minutën e 62-të. Për të zbukuruar panoramën erdhi edhe goli i parë i Kim me fanellën e Napolit, në minutat shtesë. Gjithashtu në pjesën e dytë, VAR i anuloi golin Monzës me ish-napoletanin Petagna.
EMPOLI 0-0 FIORENTINA
Derbi toskan i Castellanit përfundon pa asgjë për tu shënuar: përfundoi 0-0 mes Empolit dhe Fiorentinës. Pjesa e parë jo shumë emocionuese, përveç rasteve për Bonaventuran dhe Destron. Në minutën e 67-të, Luperto u përjashtua për faull në një mundësi të pastër shënimi të Jovic (ndërhyrja e Var ishte vendimtare). Violat mund të përfitonin nga superioriteti numerik, por u përplas në murin mbrojtës të vendasve. Skuadra e Zanettit qëndroi fort dhe mori pikën e parë në renditje.
