Përfundon 0-0 ndeshja mes Sampdorias dhe Juventusit, e fundit e javës së dytë të Serie A. Pak emocione në Marassi, me Sampdorian që luajti një pjesë të parë të mirë dhe u ka keqardhjen e goditjes së traversës pas pak minutash nga Leris. Në pjesën e dytë, bardhezinjtë ishin më mirë të vendosur në fushë, madje brohoritën për një gol të Rabiot, që më pas u anulua nga Var për pozicion jashtë loje. Gjithësesi, në total skuadra e Allegrit krijoi shumë pak për ta fituar ndeshjen. Interi, Napoli dhe Roma mbeten të vetëm në krye të renditjes me pikë të plota.
Transferta e parë sezonit të Juventusit përfundoi pa gola në Marassi: kundër Sampdorias bardhezinjtë nuk shkuan më shumë se 0-0 dhe është një hap fals, duke qenë se Juve kishte fituar gjashtë ndeshjet e fundit direkte mes tyre dhe barazimi i fundit ishte regjistruar më 14 dhjetor 2014. Edhe Vlahovic, pas pesë golave të shënoi në 4 ndeshje si titullar, pësoi një bllokim të shëmtuar. Por ishte i gjithë Juventusi që gjeti pak lavdi në Marassi, në ndeshjen në të cilën debutoi nga minuta e parë e Kostic dhe Rabiot, nga lojtar në dalje në protagonist të menjëhershëm. Sa keq që francezit iu anullua goli, me asist të Vlahovic, pikërisht për një pozicion jashtë loje të serbit. Renditja tani fillon të zgjatet, me Interin, Napolin dhe Romën në krye me pikë të plota dhe Juventusin e Milanin që i ndjekin me dy pikë distancë.
