Nuk kishin kaluar as 24 orë nga dorëheqja e Lulzim Bashës si kryetar i Partisë Demokratike dhe Sali Berisha iu drejtua militantëve të Foltores me një kërkes; të mos e thërrisnin më “Lul Brava”.
“Zoti Basha dha dorëheqjen. Tani nuk kam më pse t’i them deputeti Brava. Do t’i them deputeti Basha. Ai është deputet. Po të ishte në zyrë do shkoja t’i jepja dorën” u tha më pas gazetarëve, i ndërgjegjshëm se duke qenë fitues i betejës brenda PD-së, nuk mund të sillej si humbës.
Kthesa qe e fortë. Nga bullizimi, tallja publike, përmendja e familjarëve, akuzat për shitjen tek Rama, tek shtrëngimi i duarve, paqja dhe bashkëpunimi. Instikti i politikanit i diktoi se kishte ardhur koha të sillej si fitues.
Jo më kot, kur hyri në selinë e PD-së, takimi i parë qe me Enkelejd Alibeajn dhe Gazment Bardhin, dy nga skifterët e Bashës, që e kishin sulmuar me akuza të rënda. Synimi qe ribashkimi dhe përfshirja edhe e kundërshtarëve brenda partisë nën udhëheqjen e tij.
Kanë kaluar dy muaj dhe konsolidimi i kontrollit të PD ka avancuar. Berisha u zgjodh kryetar, por ende nuk ka me vete një pjesë të mirë të grupimit që solli Basha në parti.
Caktimi i kandidatëve për kryesinëe re qe një konfirmim tjetër i çarjes.
Vetë Berisha ndërsa shpjegoi kriteret e përzgjedhjes së kandidatëve përmendi edhe "padrejtësitë që janë bërë" më herët.
"Lidhur me ata të cilët kanë vërejtje, sugjerime dhe kritika, janë absolutisht, të vazhdojnë vërejtjet, kritikat dhe kundërshtitë ndaj Sali Berishës pas asnjë llojë hezitimi. Gjykoj se kriter bazë kanë qenë kontributet në proces, padrejtësitë që janë bërë" tha Berisha për gazetarët.
Lista me emrat e kandidatëve për kryesinë e re të PD tregon se struktura do të jetë produkt ekskluziv i Komisionit të Rithemelimit.
Bien në sy aty rikthimi i Jozefina Topallit dhe i Bujar Nishanit, emrat e Arben Imamit apo Edith Harxhit dhe plot demokratëve të tjerë që kanë një histori në selinë blu. Por në listën me 47 emra nuk gjen askënd që ka vënë në dyshim rikthimin e Berishës në krye të PD-së pas shpalljes non grata.
Jashtë listës kanë mbetur edhe emra të deputetëve që i kërkuan Lulzim Bashës të dorëhiqej pas humbjes së 6 Marsit, ndërsa kishin një qëndrim të dyzuar në raport me Foltoren. Gazetarëve u ra në sy Ina Zhupa, e cila gjithsesi e kishte konfirmuar mbështetjen për Berishën, kur mori pjesë në Kuvendin e fundit.
Ribashkimi duket një sfidë e humbur. Të paktën deri tani. Si për ta theksuar këtë, deputetët që Berisha nuk i ka nën kontroll, i dolën prap kundër sot. Gazment Bardhi kur e akuzoi për bashkëpunim me bandat e Elbasanit dhe Enkelejd Alibeaj me një rezolutë paralele për genocidin serb në Kosovë.
Më poshtë lista e kandidatëve për Kryesinë e re të PD
NR. EMER MBIEMER
1 AGRON SHEHAJ
2 ALBINA DEDA
3 ALDO BUMCI
4 ARBEN IMAMI
5 ARBEN RISTANI
6 BARDH SPAHIA
7 BEDRI BLLOSHMI
8 BELIND KELLICI
9 BLEDI KASMI
10 BLENDI HIMCI
11 BUJAR NISHANI
12 CLIRIM GJATA
13 EDITH HARXHI
14 EDMOND SPAHO
15 ELDA HOTI
16 ELEINA QIRICI
17 ENDIRA BUSHATI
18 ENNO BOZDO
19 ERALD KAPRI
20 ERVIN MINAROLLI
21 FATBARDHA KADIU
22 FLAMUR NOKA
23 FLORIANA GARO
24 FLORION MIMA
25 GENC DEROMEMAJ
26 GENC POLLO
27 GENT STRAZIMIRI
28 GRIGELS MUCOLLARI
29 INA ZHUPA
30 INDRIT HOXHA
31 ISUF CELA
32 IVI KASO
33 JOZEFINA TOPALLI
34 KASEM MAHMUTAJ
35 KELTIS KRUJA
36 KLEVIS BALLIU
37 LEDIANA FRATARI
38 LEDINA MANDIJA
39 LILJANA ELMAZI
40 LORENC LUKA
41 LUAN BACI
42 LUCIANO BOCI
43 MIMOZA HAJDARMATAJ
44 MIRELA TABAKU
45 OERD BYLYKBASHI
46 SORINA KOTI
47 TRITAN SHEHU
