Ankth për fatin e Ivan Luca Vavassori, 29-vjeçari italian, aktualisht në Ukrainë për të luftuar me forcat e Kievit. Lajmi është publikuar në profilet e tij sociale. "Na vjen keq t'ju informojmë se mbrëmë, gjatë tërheqjes së disa të plagosurve në një sulm në Mariupol, dy autokolona u shkatërruan nga ushtria ruse. Në njërën prej tyre ishte ndoshta edhe Ivan, së bashku me regjimentin e 4-rt. Po mundohemi të kuptojmë nëse ka të mbijetuar. Do t'ju informojmë përmes dy faqeve në Instagram dhe Facebook që Ivani na ka lënë të menaxhojmë”, thuhet në njoftim.
Vavassori është djali i birësuar i Pietro dhe Alessandra Sgarella, një grua piemonteze e rrëmbyer nga 'Ndrangheta në 1997 dhe e liruar pas nëntë muaj pengmarrje. Sgarella vdiq në vitin 2011 pas një sëmundjeje të gjatë. Vavassori ka lindur pranë Moskës dhe në Itali ka një karrierë në futboll ku ka luajtur si portierit me Pro Patria, Bra dhe Legnano.
