Media e Baton Haxhiut nxjerr me emra ata të cilët Rama mund ti kundërvëre Erion Veliajt
Kur gjithçka kishte përfunduar Veliajt ende nuk i kishte dalë e keqja për prishjen e falsitetit të organizimit të tij. Me anë të një postimi në Twiter ai sulmoi Organizatën Politike, e cila përmes grafiteve që shkruan kishte prishur ditën e punonjësve të pastrimit të Bashkisë. “Po punonjesit e pastrimit te Bashkise si e kaluan Diten e Rinise, qe per te gjithe qe pushim? Vetem ne Tirane gjen pseudo-marksiste te cilat nxjerrin klasen punetore te fshije grafitet nga Qyteti Studenti ne dite pushimi.(Marksi po rrotullohet ne varr),”-shkruajti Veliaj duke e shoqëruar komentin e tij me fotot e mëposhme.
Por mendjeshkurtësinë dhe cektësinë e kryebashkiakut që do të duket sikur njeh dhe teoritë e ideologut të revolucionit anti-kapitalist i përqeshi keq Arlind Qori duke evokuar skenat e filmit “Lulëkuqe mbi mure”.
“I gjithanshëm babloku! Edhe nxjerr punëtorët të fshijnë parullat si fashistët fëmijët te “Lulëkuqe mbi mure”, edhe kap 20-përqindëshat, edhe jep leksione mbi Marksin. Këllira e bërë njeri!,”-u përgjigj ai.
Por si për ta bërë më të plotë tablonë e një vendi të sunduar nga oligarkia, historia nuk përfundoi këtu. Menjëherë në ndihmë të kryebashkiakut u hodh media më e madhe në vend, Top Channel. Në faqen e saj, ai botoi një lajm ku sipas interpretimit të redaksisë, reagimi i i Veliajt e kishte asgjësuar krejtësisht Arlind Qorin.
Sërish përgjigjia e aktivistit të "OP" nuk mungoi, duke e ironizuar Topin si TV i Big Brother. "Si ka mundësi që një televizion kombëtar bën lajm të tillë?! Nëse, kushedi për ç'arsye, do të interesohej për fatin e punëtorëve të bashkisë, duhej të pyeste se pse kryetari i saj shkel Kodin e Punës duke i shtrënguar punëtorët të dalin në punë gjatë ditës zyrtare të pushimit. Apo po kërkoj shumë nga televizioni i Big Brother-it?" qesëndisi ai.
Në fakt e gjitha kjo fabul, e nisur nga disa djem të guximshëm të "OP", nuk është një kronikë e thjeshtë. Ajo në thelb tregon se sa të lehtë e ka të triumfojë e vërteta. Mjaftuan disa parulla për ndërtimet në Tiranë, për vrasësin e Ardit Gjoklajt, për të prishur falsitetin e një feste fasadë. Nuk u desh më shumë se një provokim për të kuptuar injorancën e kryebashkiakut dhe njohuritë e tij për filozofinë. Vetëm me kaq pak u kuptua se si e shkel Veliaj Kodin e Punës, duke i detyruar njerëzit të punojnë dhe në ditë pushimi. Një lëvizje e vogël dhe u denoncua i gjithë sistemi i blerë mediatik që mbështet politikanët e 20%-it.
E pra, aksioni i thjeshtë i aktivistëve të Organizatës Politike, me vetëm disa vetë doli për një moment më i fortë sesa manifestimet butaforike, ushtria e punonjësve të bashkisë dhe mediat e mëdha që e mbrojnë Erion Veliajn.
©Lapsi.al
