Arrestimi i presidentit Massimo Ferrero ka trazuar ambjentin dorian, pavarësisht se Sampdoria është e huaj në lidhje me faktet. Për drejtimin e përditshëm dhe të zakonshëm të klubit do të kujdeset Alberto Bosco, drejtori operacional, por nuk do të mjaftojë, duke qenë se dorëheqja e Ferreros ka bërë që bordi drejtues i kompanisë të rrëzohet. Kjo hap shumë skenarë dhe sugjerime për të ardhmen e pasigurt të Sampdorias.
Perspektiva më e vlerësuar nga tifozët është ajo që çon në një nga flamujt më të rëndësishëm në historinë e Sampdorias: Gianluca Vialli, një nga heronjtë e titullit të vitit 1991, i cili ishte përpjekur të merrte klubin edhe në 2019, së bashku me biznesmenin amerikan James Dinan. Manjati kishte dhënë edhe një herë gatishmërinë e tij për të mbështetur Viallin në një përpjekje për të blerë Sampdorian.
Mundësitë e tjera çojnë në një konsorcium sipërmarrësish italianë, njeriu imazh i të cilëve do të ishte ish-futbollisti i Milanit Alessandro Costacurta, një fond me qendër në Dubai. Ndërsa një tjetër emër i vjetër që qarkullon kur bëhet fjalë për Sampdorian, është ai i Gabriele Volpit, që shkurtin e kaluar shiti Spezian dhe aktualisht është kreu i Pro Recco Pallanuoto. Gjithsesi, fansat përveç Viallit ëndërrojnë edhe një rikthim të bujshëm të Edoardo Garrones, ish-presidentit.
