Rama i kërkon pazar BE: “S’po na integroni, por mbështesni Ballkanin e Hapur”
Se çfarë kupton me mbështetjen e BE-së për këtë projekt ai e precizoi më qartë gjatë samitit të Ballkanit perendimor me BE-në në Bërdo. Aty në një nga fjalimet më kritike kundrejt BE-së që ka mbajtur një lider shqiptar, ai këkroi mbështetjen për "Open Balkan" në këmbim të premtimit të pambajtur për të vijuar me procesin e zgjerimit. “BE -ja mund të na ndihmojë duke mbështetur plotësisht nismën tonë për "Ballkanin e Hapur” i ka kërkuar ai liderëve europianë, të cilët gjithmonë kanë mbështetur Procesin e Berlinit si nismë gjithë përfshirëse. Por Rama ka këmbëngulur se inisiativa e ndërmarrë nga Serbia, Maqedonia e Veriut dhe Tirana nuk ka pse të jetë e tillë, sepse në këtë rast do të mbetej peng i vetos dhe tekave të çdo shteti. “Ne thjesht duam të vazhdojmë punën pa u mbështetur në një mënyrë të vjetëruar dhe problematike të krijimit të konsensusit, kufizimet e të cilit janë të hapura për të gjithë për t’i parë. Open Balkan është një mekanizëm konkret, gjithëpërfshirës dhe i hapur për përmirësim, i cili do të përfitonte nga mbështetja e plotë e BE -së për të sjellë në ndihmë kontributin konstruktiv të shteteve të tjera të Ballkanit Perëndimor” tha ai në fjalimin e fillim tetorit në Slloveni. Intervista/ Rama shpjegon “moskokëçarjen” për refuzimin e negociatave Pra edhe njëherë në shkrimin për Politico.eu, kryeministri shqiptar, si flamurtar i mbrojtjes së projektit të padëshërueshëm për BE-në, atij të ballkanit të hapur po këmbëngul ti kërkojë BE-së mbështetje për të si shkëmbim për moshapjen enegociatave dhe mungesën e progresit në rrugën e antarësimit. Deri më tani Bashkimi Europian nuk mbështet nismën Rama Zaev Vuçiç por procesin e berlinit. ndërsa tre vendet e tjera te Ballkanit perendimor, Kosova, Bosnja dhe Mali i Zi nuk e përkrahin këtë nismë nga frika se “Ballkani i hapur” është qartësisht një integrim asimetrik. Produkti i përgjithshëm kombëtar i Serbisë është 50 përqind e produktit të përgjithshëm kombëtar të të gjithë Ballkanit Perëndimor. Përderisa Serbia para së gjithash eksporton në vendet e rajonit, logjikisht ky integrim më shumë është i favorshëm për Serbinë. ©Lapsi.al
