Flash

Java nis me dy të vrarë, ekzekutim mafioz në Elbasan

Lapsi.al 4 October 2021
Java nis me dy të vrarë, ekzekutim mafioz në Elbasan

Dy ditë pas krimit të pasionit në Tiranë, ku humbën jetën dy të rinj, një tjetër ngjarje e rëndë ka ndodhur në Elbasan, po me dy viktima. Pas një atentati me armë zjarri u ekzekutua Ardjan Çollaku dhe Lulzim Bitri. Ngjarja ndodhi pranë një pike karburanti brenda një lokali. Fillimisht ndërroi jetë në vend Çollaku dhe më pas Bitri. Autorët janë larguar me shpejtësi nga vendi i ngjarjes duke djegur makinën në fshatin Balldre për të humbur gjurmët.Policia ka rrethuar zonën, por deri tani nuk raportohet për asnjë të arrestuar. Sipas informacioneve paraprake, atentati mund të ketë lidhje me larje të hesapeve. 50-vjeçari Ardian Çollaku, baba i dy fëmijëve, ishte person me precedentë të mëparshëm penalë.

E shkuara kriminale e viktimave 

Lulzim Bitri ka qenë i dënuar me 4 muaj burg në Maqedoninë e Veriut, për përfshirje në një përplasje me armë në vitin 2018 ku mbeti i vrarë një person. Pas vuajtjes së dënimit atij iu ndalua hyrja për në Maqedoninë e Veriut për 5 vite.

Ardian Subashi (Çollaku) ishte subjekt i Operacionit Forca e Ligjit. Në vitin 2015 ai u arrestua në Elbasan sepse rezultonte në kërkim ndërkombëtar, pasi Gjykata e Modenas, e kishte dënuar me 23 vjet e 3 muaj e 17 ditë burgim për veprat penale të “Shfrytëzimit të prostitucionit” dhe “Prodhimit dhe mbajtjes pa leje e armëve luftarake dhe e municionit”.  Po keshtu mesohet se Ardian Çollaku (Subashi) është hetuar për vrasjen e Everest Çakaj që ndodhi më 11 maj të këtij viti. Dyshimet e hetuesve per te jane edhe se ai ka bashkepunuar me “grupin e Dubait” të Erion Alibejt, i cili është vëllai i Endrit Alibejt, që mbeti i vrarë në “Masakrën e Bradasheshit” në vitin 2018.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI