Raundi i dytë i Europa League sheh fitoren 1-0 të Legia Varshavës kundër Leicester e në të njëjtin grup edhe Napoli turpërohet në shtëpi nga Spartak Moskë. Në këtë situatë, polakëve u duhej vetëm goli i Emrelit për të fituar pikët e plota dhe vendin e parë. Fitore e thjeshtë për Lyon, 3-0 ndaj Brondby dhe Olympiacos, që imponohet me të njëjtin rezultat ndaj Fenerbahce. Poker i lehtë për PSV në Sturm Graz (4-1 në Austri), Frankfurti fiton në frymën e fundit, ndërsa mbyllet 1-1 mes Monakos dhe Real Sociedadit.
GRUPI A
Me pikë të plota Lyon që, pas fitores në Glasgow në ndeshjen e parë, gjithashtu fitoi 3-0 në shtëpi kundër Brondby. Dygolëshi i Ekambi në minutat 64 dhe 71 ishte vendimtar, pas një pjese të parë të lojës të dominuar nga francezët. Në finale Aouar nënshkroi trisin. Danezët mbeten me një pikë, ndërsa Rangers janë ende në zero, duke humbur 1-0 edhe në Pragë kundër Slavias. Gol i Hanckos dhe vendi i dytë me katër pikë për çekët.
GRUPI B
Fitore e rëndësishme jashtë fushe për PSV 4-1 në Sturm Graz. Në Austri, Sangare dhe Zahavi i dhanë avantazhin holandezëve, në minutën e 55’ Stankovic shkurtoi distancën për vendasit, por është vetëm një iluzion sepse Max dhe Vertessen nënshkruan pokerin në çerekorëshin e fundit. Austriakët mbeten me zero pikë, shkon në katër pikë PSV, ashti si Monako që ndalon Real Sociedadin 1-1: në San Sebastian, monegaskët kaluan në avantazh me Disasin, përgjigja baske erdhi në pjesën e dytë me Merino.
GRUPI C
Në grupin e Napolit, që humbet në Maradona 2-3 përballë Spartak, fluturon Legia Warsaw, e para në renditje dhe me pikë të plota pas dy ndeshjesh falë fitores 1-0 në shtëpi ndaj Leicester. Emreli mjafton për polakët në minutën e 31-të, pastaj britanikët përpiqen të barazojnë, por vendasit mbrohen mirë, madje bëhen të rrezikshëm në kundërsulm. Skuadra e Rodgers mbetet kështu me vetëm një pikë.
GRUPI D
Olympiakos gjithashtu duket i pandalshëm, duke asfaltuar madje Fenerbahçe 3-0 në Turqi duke u ngjitur në gjashtë pikë, duke e lënë skuadrën turke në një pikë. Një ndeshje pa histori, me grekët përpara me Soares pas vetëm gjashtë minutash dhe më pas të aftë të mbyllin ndeshjen me dygolëshin e Masouras në të 63 'dhe 68'. Në ndeshjen tjetër, sukses në kohën shtesë me një penallti për Frankfurti në Antwerp: një 1-0 i çmuar që i sjell gjermanët në vendin e dytë dy pikë prapa grekëve, belgët janë ende me zero.
Group A Europa League
Lyon 3-0 Broendby IF
Sparta Prague 1-0 Rangers
Group B Europa League
Real Sociedad 1-1 Monaco
Sturm Graz 1-4 PSV Eindhoven
Group C Europa League
Legia Warszawa 1-0 Leicester City
Napoli 2-3 Spartak Moscow
Group D Europa League
Fenerbahce 0-3 Olympiacos
Royal Antwerp FC 0-1 Eintracht Frankfurt
