Një gëzim i vetëm. Me penallti, më 15 maj 2021, në takimin e tij të fundit kundër Juventus. Nga 64 golat e shënuar për Interin në dy sezone, ky është goli i vetëm i shënuar nga Romelu Lukaku kundër bardhezinjve. Dhe pas festimit, ai u arrestua në mënyrë simbolike nga Hakimi, një referencë e qartë për polemikat rreth festës së paautorizuar, në kohën e Covid, të organizuar për ditëlindjen e tij të 28 dy ditë më parë.
Dhe tani Romelu dëshiron të shënojë me fanellën e Chelsea për të përmirësuar rezultatin e tij kundër bardhezinjve. Ka 6 precedentë mes sulmuesit belg dhe Juventusit: një me fanellën e Manchester United në Ligën e Kampionëve më 23 tetor 2018 (humbja 1-0 me golin e Dybalas në Old Trafford natën e tre gishtërinjve të Mourinhos për t'i kujtuar Tripletën e Interit tifozëve bardhezinj).
Lukaku më pas iu bashkua zikaltërve në verën e vitit 2019. Pesë kryqëzime me Zonjën e Vjetër: 3 humbje, 1 barazim në Kupën e Italisë dhe një sukses i vetëm në San Siro më 17 janar 2021, por pa firmën e tij, me të gjitha tentativat e belgut të ndaluara nga një Szczesny, atë mbrëmje, që priste gjithcka. Sigurisht, duelet e ashpër, por të ndershëm, me Giorgio Chiellinin nuk e ndihmuan sulmuesin belg, i cili tani ripërtërin sfidën me Juven, me një fanellë tjetër veshur, por me të njëjtën dëshirë për t'i dhënë pakënaqësi rivalëve të tij bardhezi.
