Ishte një ndeshje mes dy të barabartëve, por kush priste që diferencat të bëheshin në javën e tretë të kampionatit, në ndeshjen direkte, duhet të ketë mbetur i zhgënjyer. Vetëm 1-1 mes Egnatias e Skënderbeut në Rrogozhinë, një ndeshje e vendosur në dy minuta, mes të 16-ës e 18-ës e që pa pa Telushin e Berishës të konfliktohen ashpër për një penallti të pretenduar.
Nuk pati fitues në Rrogozhinë mes Egnatias dhe Skënderbeut që kishin marrë vetëm një pikë në dy ndeshjet e para e që tani duhet të ndajnë sërisht renditjen me njëri-tjetrin, me vetëm një pikë më shumë. Ishte një ndeshje e fortë e luftuar nga të dyja skuadrat, që nisi vrullshëm me dy gola të shpejtë, por më pas topiti skuadrat që ndjenë rrezikun e humbjes dhe u stepën. Rrogozhinasit kaluan të parët në avantazh me një gol spektakolar të Kabral, por korcarët u përgjigjën 2 minuta më vonë me Elvi Berishën.
Pjesa e dytë u luajt mes rasteve të shumta, por vetëm kaq, të dyja skuadrat ndajnë një pikë mes tensioni ku nuk munguan dhe përplasje fizike. Një pretendim për penallti, fillimisht e Telushit në zonën korcare, në një kontakt me Berishën e, më pas, e Berishës në zonën rrogozhinasë për pengim të mesfushorit vlonjat, bënë që dy lojtarët të kapërcejnë pjesën e fjalëve e të kacafyten duke siguruar nga një të verdhë.
