Myler realizoi dygolësh në finalen e Kampionatit Europian 1972 dhe golin vendimtar në finalen e Botërorit 1974, që u fitua nga Gjermania, në Shqipëri erdhi vetëm dy herë në 1967 e 1971, donte të kthehej me cdo kusht përsëri, i dashuruar me një punonjëse hoteli shqiptar, madje duke propozuar edhe një kontratë për vetëm një ndeshje kur ishte 40 vjec.
Müller dëshiron edhe një rikthim, në përfundim të karrierës së tij, për një ndeshje, duke futur në konfuzion klubin e Helsinkit. Muller donte me cdo kusht Shqipërinë, pasi në vitin 1967 u dashurua me një punonjëse shqiptare të hotelit. Gjatë gjithë karrierës së tij të lojës, Müller priste që Gjermania Perëndimore ose Bayern Munich të shortoheshin për t'u përballur me ekipin shqiptar, por kjo ndodhi vetëm një herë, në 1971.
Kështu, në 1985, ambicjet e Müller u drejtuan nga HJK, që përballej me Flamurtarin e Vlorës. Müller dëshironte të nënshkruante një kontratë për një ndeshje me HJK. "Po, është e vërtetë. Nuk mbaj mend gjithçka për rastin. Pyes veten nëse kishte ndonjë menaxher apo përfaqësues që e ofroi atë", tha presidenti aktual i nderit i HJK, Markku Peltoniemi, në vitin 2017. Ëndërra e Muller dështoi në pamundësinë e tij. Müller ishte 40 vjeç atëherë, dhe pamja e tij fizike nuk i ngjante më atij të një futbollisti.
MESAZH NGUSHËLLIMI NGA PRESIDENTI DUKA
Gjermania dhe bota e futbollit janë në zi për Gerd Mylerin, një nga sulmuesit më mirë të të gjitha kohërave dhe fitues i shumë trofeve me Bajernin e Mynihut dhe Gjermaninë, i cili u nda nga jeta në moshën 75-vjeçare. Pas marrjes së lajmit të hidhur, Presidenti i Federatës Shqiptare të Futbollit, Armand Duka i ka dërguar një telegram ngushëllimi drejtuesve të Federatës Gjermane të Futbollit ku i shpreh ngushëllimet më të sinqerta për humbjen e legjendës së futbollit gjerman dhe botëror.
“Në emër të Federatës Shqiptare të Futbollit, do të doja të shpreh hidhërimin tonë për humbjen e Gerd Myler dhe në të njëjtën kohë t’i shpreh ngushëllimet tona të sinqerta, jo vetëm familjes së tij, të dashurve të tij, por edhe komunitetit botëror të futbollit”, – shkruan Presidenti Duka në mesazhin e tij drejtuar Federatës Gjermane.
Gerd Myler ka qenë padyshim një nga futbollistët më të mëdhenj të Gjermanisë, duke shkruar historinë përmes golave dhe rekordeve. Për Bajernin, ai ka shënuar 566 gola në 607 ndeshje, duke fituar Kupën e Kampioneve për tre vite radhazi (1974, 1975 dhe 1976), ndërkohë që me Gjermaninë ka shënuar 68 gola në 62 paraqitje.
