Spanja u bë gjysmëfinalistja e parë e turneut olimpik të futbollit për meshkuj në Tokio, pasi mundi Bregun e Fildishtë me rezultatin 5-2 në kohën shtesë, në një ndeshje ku ndodhi gjithçka. Furitë e kuqe do të duhet të përballen tani në gjysmëfinale me Japoninë më 3 gusht, ndërsa në tjetrën, Brazili që mposhti Egjiptin do të sfidohet nga Meksika spektakolare.
E të mendosh se, në minutat shtesë, gjithçka të sugjeronte se do të ishin spanjollët ata që do të largoheshin nga Lojërat. Me rezultatin 1-1 (golat e Bailly dhe Olmos në pjesën e parë), në minutën e 91 ishte Gradel, mesfushori 33-vjeçar i Sivasspor (Turqi), që kaloi në epërsi Bregun e Fildishtë. Vetëm se, dy minuta më vonë, mbrojtja prishi gjithçka duke i hapur derën Mir (2-2). Në kohën shtesë, sidoqoftë, nuk pati më histori: dy gola të tjerë nga Mir dhe një nga Oyarzabal i lejojnë Spanjës të kalojë në katër më të mirat dhe të vazhdojë të shpresojë për një medalje.
https://www.youtube.com/watch?v=96Mdm4GoSy8
Nuk shënoi askush për më shumë se dy orë në ndeshjen midis Zelandës së Re dhe Japonisë të kapitenit Yoshida. Penalltia vendimtare është e tij, ajo e 4-2 që vlen gjysmëfinalen pas 0-0 në 120'. Në anën tjetër, Brazili dhe Meksika do të takohen në gjysëmfinale, në një sfidë që premton spektakël. Një gol nga Cunha, në një asist të Richarlison, ishte i mjaftueshëm që verdhejeshilët të eleminojë Egjiptin. Meksika, ndërkohë, zgjodhi goleadën: 6-3 ndaj Koresë së Jugut me një dygolësh për secilin nga Martin dhe Cordova.
https://www.youtube.com/watch?v=MHsD1v9WNI8
