Goditje e rëndë për Portugalinë dy ditë para debutimit të Euro 2020 kundër Hungarisë: Joao Cancelo ka rezultuar pozitiv me Covid-19. Autoritetet shëndetësore hungareze u informuan menjëherë dhe lojtari - i cili është mirë - u vendos në izolim. Në vend të tij, trajneri Fernando Santos ka thirrur me shpejtësi Diogo Dalot, protagonist në Kampionatin Evropian me ekipin Under 21 që arriti në finale (humbi kundër Gjermanisë).
KOMUNIKATA
"Diogo Dalot, i kombëtares nën 21 vjeç, do të bashkohet me delegacionin e ekipit kombëtar që ndodhet në Budapest për t'u përgatitur për debutimin në Euro 2020. Lojtari i AC Milan do të zëvendësojë João Cancelon, i cili rezultoi pozitiv me Covid-19 pas një testi të shpejtë me antigjen i kryer të shtunën nga Njësia e Shëndetit dhe Performancës të FPF. Autoritetet shëndetësore hungareze u informuan menjëherë dhe lojtari - i cili është mirë - u vendos në izolim. Rezultati i testit të kryer nga USP u konfirmua nga një test RT-PCR i kryer te João Cancelo rezultati i të cilit u bë i ditur të dielën në mëngjes. Në përputhje me protokollin Covid-19 të përcaktuar nga UEFA para ndeshjeve EURO 2020, të shtunën të gjithë lojtarët dhe anëtarët e stafit iu nënshtruan testeve RT-PCR. Rezultatet, me përjashtim të João Cancelos, ishin negative. Autoritetet shëndetësore hungareze u vunë në dijeni në respektim të procedurave të mbrojtjes, të respektuara plotësisht sipas protokollit të UEFA-s, në një grup që gjithashtu ka një shkallë të lartë të mbulimit të vaksinimit dhe autorizoi ekipin kombëtar të respektojë planin e përcaktuar për Kampionatin Evropian pa ndonjë ndryshim".
