Uefa dëshiron të shfuqizojë rregullin e golit që vlen dyfish në transfertë në kupat evropiane. Gazeta britanike The Times është e bindur për këtë, duke raportuar një ide të presidentit të organizmit që menaxhon futbollin në Evropë, sllovenit Aleksander Ceferin, i cili duket i gatshëm të bëjë njoftimin gjatë asamblesë së të premtes, në prag të finales së Champions League mes Chelsea dhe Manchester City.
Nëse Ceferin do të ketë mbështetjen e shumicës së Federatave, atëherë ai mund të fillojë procedurën për të shfuqizuar rregullin, i cili ka qenë në fuqi që nga viti 1965 dhe tani konsiderohet "i vjetëruar" nga të gjithë drejtuesit më të lartë të futbollit europian. Nëse arrihet konsensusi i Federatave, rregulli mund të zhduket që në sezonin e ardhshëm sportiv.
