Interi, pas largimit të Conte, shpejtoi të gjente trajnerin e ri për t’i besuar pankinën. Dhe e gjeti. Zgjedhja ra mbi Simone Inzaghin, i kontaktuar menjëherë nga drejtuesit zikaltër dhe njeriu i preferuar i Claudio Lotitos, i sponsorizuar fort nga Igli Tare, që të mërkurën në mbrëmje u duk një hap larg rinovimit me Lazio deri në vitin 2024, ndryshoi kurs. Pavarësisht buzëqeshjeve dhe zërave për rinovimin me të kaltrit, Inzaghi kërkoi kohë për të reflektuar: oferta e Interit është qartë më e lartë se ajo e Lotitos dhe pranimi i saj ishte i lehtë.
Për këtë arsye, trajneri kërkoi dhe mori një bisedë të re me presidentin e bardhekaltërev, ndërsa menaxheri i tij Tullio Tinti u kthye në selinë e zikaltërve. Në njërën tavolinë ishin 2.2 milion euro plus shpërblimet e ofruara nga Lazio, në tjetrën një dy-vjeçare 4 milion plus një bonus i propozuar nga Inter. Mjaftoi që Inzaghi të bindej, aq sa u nda me Lotiton dhe Taren.
Beppe Marotta, ndërkohë, njoftoi se Interi së shpejti duhet të ketë trajnerin e tyre të ri. "Ne do të arrijmë në këtë pikë brenda ditës së sotme. Jo zyrtarisht, mbase mund ta kryejmë", tha CEO i zikaltërve në ngjarjen me titull "Sporti që do të vijë". Njoftimi zyrtar, megjithatë, pritet nesër.
