Në shtëpinë e Milanit janë ditë në ndjekje të kualifikimit në Ligën e Kampionëve, por ato janë gjithashtu ditë shumë të nxehta për të ardhmen e Gigio Donnarumma, kontrata e të cilit skadon më 30 qershor dhe e ardhmja e të cilit me kuqezinjtë mund të mos jetë e lidhur ngushtë me pjesëmarrjen e klubit në kupën më të rëndësishme (në të cilën portieri 22-vjeçar nuk ka debutuar ende). Sa i përket rinovimit, palët janë ende shumë larg (Raiola dëshiron 10 milion plus bonuse, klubi nuk ka ndërmend ta rrisë ofertën nga 7 + 1), por Gigio ka vendosur t'i japë përparësi Milanit, sepse ai dëshiron të luajë Ligën e Kampionëve me ekipin e tij të preferuar dhe për këtë arsye klubi i Elliott mund të shfrytëzojë ndjesitë duke i ofruar një formulë alternative të rinovimit.
Mes drejtuesve kuqezi po lind në fakt, ideja e një mini-rinovimi vjetor prej 7 milion eurosh (plus një bonus) me përfshirjen e një klauzole zgjidhje të kontratës të caktuar në 30 milionë dhe e ushtrueshme në rast se Milani nuk kualifikohet në Ligën e Kampionëve. Një mënyrë për të blerë kohë dhe për të diskutuar më mirë një marrëdhënie më të qëndrueshme në funksion të vitit 2022.
Një zgjidhje që e kishte propozuar në të kaluarën edhe vetë Raiola, i cili ka në dorë tani edhe një propozim nga Juventus dhe për këtë arsye nuk ka ndërmend të tërhiqet asnjë centimetër nga pozicioni i tij. Menaxheri kërkon një rinovim të kontratës për klientin e tij me një pagë sezonale të vendosur në 10 milionë euro plus 2 bonus, por Milani, nuk dëshiron ta rrisë ofertën e tij nga 7 milionë euro plus 1 bonus.
Kjo është arsyeja pse vullneti i lojtarit mund të jetë vendimtar, pasi ai do të donte të qëndronte te kuqezinjtë dhe ua ka rrëfyer këtë miqve dhe shokëve të skuadrës gjithashtu. Në këtë këndvështrim, rinovimi vjetor mund të jetë me të vërtetë zgjidhja më e mirë menjëherë, pastaj pas gjashtë muajsh palët mund të kthehen përsëri të diskutojnë rinovimin e portierit.
