'Manovrat e mëdha' të Barcelonës për rinovimin e Lionel Messit kanë filluar. Ardhja e Joan Laportas në presidencë sigurisht ka qetësuar marrëdhëniet mes dy palëve dhe, siç nënvizon 'Sport', ndjesia është se kampioni argjentinas, pasi ishte një hap larg ndarjes verën e kaluar, tani është i bindur të vazhdojë karrierën e tij të jashtëzakonshme me fanellën katalanase.
Një rol vendimtar, në këtë drejtim, po luan Laporta i cili siguroi se marrëdhënia e tij me sulmuesin ishte shumë e mirë dhe qëllimin e tij për ta bindur atë të qëndronte pavarësisht sirenave të PSG, që ka vendosur në tavolinë një ofertë të parefuzueshme për Pleshtin. Pas një bisede fillestare me Jorge Messin, babai dhe menaxheri i lojtarit, sipas transmetuesit 'TV3', kohët e fundit, ka pasur një afrim zyrtar midis palëve, me rezultate të mira.
Ndjesi pozitive për arritjen e një marrëveshje që kënaq 'Pleshtin', në atë që duhet të jetë kontrata e fundit e karrierës së tij. Sipas mediave katalanase, Laporta nuk ka bërë ende ndonjë propozim ekonomik sepse deri në mes të majit ai nuk do të jetë në gjendje të dijë gjendjen e financave të klubit. Por presidenti i kërkoi durim argjentinasit, i cili do të pranonte një kontratë me disa faza: dy vjet të tjera në ekipin e parë para se të përfundonte karrierën e tij si lojtar në MLS, ku ai gjithashtu do të jetë ambasador i klubit blaugrana dhe më në fund të kthehet në Barcelona për të marrë një rol si drejtues.
