"Jam i sfilitur, gjithçka ndodhi shumë shpejt. Kam frikë se isha një bartës, duke sjellë në shtëpi virusin. Zuri gjithë familjen. Por ndërsa ne po shëroheshim, ajo kishte filluar të kishte probleme serioze me frymëmarrjen. Që kur u shtrua në spital nuk e pashë më kurrë. Një dhimbje e tmerrshme". Rrëfimin për Corriere della Sera, për vdekjen e gruas së tij Irene Vercellini për shkak të koronavirusit, e ka bërë vetë Beppe Furino, ish lavdia e Juventusit.
Nuk është epidemia e parë me të cilën Furino ka qenë i detyruar të përballet në jetën e tij: "Kishte raste të tifos në Campania, në qytetin e babait tim. Shkova për të jetuar me gjyshërit e mi në Ustica për një vit. Unë kam qenë një tifoz i Juventusit para se të arrija në Torino. Karriera ime ka qenë një udhëtim i lumtur, futbolli më ka dhënë gjithçka".
Por ato të tij ishin "kohë të tjera, derbi të tjera. Torino luftonte me ne për titullin. Edhe Juventusi i fundit ka ndryshuar. Humbja kundër Beneventos më habiti. Unë nuk e kuptoj se si mund të mungojë motivimi për ata që janë të super paguar për të bërë punën më të bukur në botë".
