“E kemi pritur që të vegjël, ndeshjen me Anglinë dhe me lojtarë të tillë. Lojtarët duhet të kërkonin më shumë topin, emocionet ishin aty, pasi Anglia është ekip i madh, por duhet të paraqiteshim më mirë në fushë”. Elseid Hysaj ka mbetur i zhgënjyer nga përfaqësimi i ekipit, në përplasjen e shumë pritur me Anglinë.
Mund të bëhej më shumë, natyrisht, mund të bëhet gjithnjë më shumë në një humbje, por mbrojtësi i Napolit gjen ngushëllimin në atë që ai e quan fitore personale: “Duelet me Stërlingun? Janë ndeshje të bukura kur ke duele me të tillë lojtarë. Megjithatë kundër Stërlingut kam luajtur edhe me Napolin dhe mendoj se sot ia dola deri diku ta bllokoja. Duhet të shfrytëzonim rastet që kishim, nëse Anglisë nuk ia shënon në rastet që ke e pëson” përfundoi Hysaj.
