Juventus, infermeria nis të zbrazet: Cuadrado e Bonucci gati për Lazion

Rodrigo Bentancur rezultoi pozitiv me Covid 19 dhe kështu Pirlo humbet një pjesë tjetër të rëndësishme, por trajneri i Juventus mund të buzëqeshë sepse pas emergjencës së vazhdueshme të javëve të fundit, infermieria e Juventusit më në fund ka filluar të zbrazet. Pas rikuperimit të Moratas, që shënoi të martën kundër Spezias, të tjerët që priten janë Juan Cuadrado dhe Leonardo Bonucci: kolumbiani duhet të luajë nga minuta e parë kundër Lazios, mbrojtësi do të ulet në pankinë. Lajm i mirë gjithashtu në frontin e Matthijs de Ligt: testet të cilave iu nënshtrua pas problemit që ndjeu gjatë nxemjes me Spezian përjashtuan dëmtimet, por holandezi mbetet në dyshim për ndeshjen kundër bardhekaltërve. Takim i shtyrë në kthimin e 1/8 të Champions për Giorgio Chiellini, probleme muskulore të të cilit duken më në fund se po mbarojnë (kundër bardhekaltërve duhet të jetë ende Merih Demiral në mes të mbrojtjes). Pirlo duhet të rikuperojë gjithashtu edhe Arthur, kthimi i të cilit do të ishte thelbësor duke pasur parasysh mungesën e sigurt të Bentancur në mesfushë: gjendja e playmakerit brazilian përmirësohet dhe është përsëri në garë. Në fund, kapitulli Dybala, larg fushave për gati dy muaj tani. Joya po punon shumë dhe shpreson të jetë në dispozicion për Porton, por është më e lehtë për të që të rishikojë fushën në dy ndeshjet e ardhshme të kampionatit. Me hyrjen e sezonit në fazën e tij më delikate, Pirlo nuk dëshiron të detyrojë askënd të kthehet para kohe, por për të vazhduar të ëndërrojë Champions League dhe të përpiqet të bëjë një rikthim në kampionat, trajneri i Juventusit ka nevojë për të gjithë.

View this post on Instagram

A post shared by Paulo Dybala (@paulodybala)