Dramë familjare për Ronaldinhon. Siç raportohet nga AS, e ëma e ish-futbollistit të Barcelonës, Miguelina Elói Assis dos Santos, është ndarë nga jeta pas një beteje kundër Covid, që kishte zgjatur që nga dhjetori. Braziliani ishte shumë i lidhur me të ëmën dhe e kishte treguar edhe gjatë kohës që ishte në burg në Paraguaj, për futjen në vend me pasaportë të falsifikuar.
Ishte vetë braziliani që kohë më parë i informoi të gjithë për gjendjen shëndetësore të nënës së tij: “Të dashur miq, nëna ime është infektuar me Covid-19 dhe po lufton për një shërim të shpejtë. Ajo është në një njësi të kujdesit intensiv dhe po merr të gjithë kujdesin e mundshëm. Unë ju falënderoj paraprakisht për të gjitha lutjet, energjitë pozitive dhe afeksionin që më tregoni gjithmonë. Forca mami” shkruante Topi i Artë. Por sic duket lutjet e mbështetësve të tij dhe kujdesi i mjekëve nuk ishte mjaftueshëm për ta shpëtuar.
