Zvonimir Boban mundi Milanin. Gjykata e Milanos, seksioni i punës, në fakt e ka dënuar klubin të paguajë 5.37 milion euro për ish-drejtuesin e lartë të kuqezinjve si pjesë e procesit gjyqësor për shkarkimin e tij, që erdhi pas një interviste të dhënë nga ish-mesfushori kroat. Para se të arrinte në vendim, gjykatësi kishte dëgjuar edhe dëshmitë e drejtorit teknik të Milanos, Paolo Maldini, dhe të drejtorit sportiv Frederick Massara.
Pas deklaratave të tij të lëshuara shkurtin e kaluar për një gazetë të njohur sportive, me të cilën Boban denoncoi faktin se ai nuk ishte përfshirë në zgjedhjen e atij që do të ishte trajneri i ri i Milan, Ralf Rangnick, kroati ishte përjashtuar nga klubi për "cështjen e duhur" sepse, sipas Gazidis, ato deklarata kishin diskredituar shoqërinë.
Në muajt e kaluar, palët nuk kanë qenë në gjendje të gjejnë një marrëveshje, prandaj gjykatësit iu desh të merrte një vendim. Sot gjykimi i dha të drejtë ish-mesfushorin kroat dhe e dënoi klubin me një dëmshpërblim të konsiderueshëm.
Siç rezulton, Milani pret motivimet para se të shprehë vlerësimet e tij mbi cështjen, por konfirmon vullnetin e vendosur për të apeluar për të mbrojtur klubin, duke rikonfirmuar korrektësinë dhe legjitimitetin total të vendimeve dhe veprimeve të ndërmarra.
