Ka mbyllur sezonin e kaluar me 44 gola në 40 prezenca. E ka nisur këtë aktual në kuotën 10 në Bundesligë e 6 në Champions. Duke patur parasysh se Erling Haaland është vetëm 20 vjec, është e lehtë të imagjinohet që është në qendër të interesit të klubeve më të rëndësishme europiane (pavarësisht se në javën e fundit të kampionatit humbi një rast me portën bosh në humbjen me Këlnin). Vlerësimi për norvegjezin ka arritur tashmë 100 milionë euro por drejtori sportiv i Borussia Dortmund, Michael Zorc, ka dashur ti bëjë gjërat e qarta: "Kemi planifikuar të ardhmen tonë me të, nuk më interesojnë zërat e merkatos".
Nuhatja në zonën gol është specialiteti i tij, por nuk i mungon as personaliteti. Duke iu referuar faktit që tekniku i tij Favre e heq shpesh nga fusha përpara fundit të ndeshjes (në fakt pak minuta nga fundi), ai ka komentuar: "Po bëhet zakon, ndoshta do që të shënoj më shumë", duke treguar se është i aftë edhe në ironi. Real e ka vënë në shënjestër, duke ndjekur logjikën, që nuk ndryshon edhe në periudhë krize, të blerjeve të përbindshme të epokës Florentino. Projekti i blancos është ai për të krijuar një super sulm duke marrë Mbappé në 2021 e Haaland një vit më pas, për të ndërtuar nga e para një skuadër të aftë të hapë një tjetër cikël fitues.
Sipas asaj që bën të ditur "As", tifozët e Real preferojnë norvegjezin (64%) ndaj sulmuesit francez të Psg (36%), por paralajmëron merengues se edhe Juventus, për pas Ronaldos, e Bayern Mynih, për post Lewandowski, kanë bërë sondazhe me Mino Raiola, menaxherin e tij, për të tentuar goditjen e tia vjedhin Madridit.
