Sukesi i nëntë sezonal për Lewis Hamilton në Imola, dopieta e pestë e Mercedes falë edhe vendit të dytë të Valtteri Bottas në një GP të Emilia-Romagna të trazuar në fund nga Safety Car që u fut në pistë. Në shkallën e tretë të podiumit ngjitet, ashtu si në Nuerburgring, Daniel Ricciardo. Ferrari në vendin e pestë me Charles Leclerc (pas shpinës së Daniil Kvyat) e i 12 me Sebastian Vettel, i tradhëtuar nga një pit stop i ngadaltë. Mercedes për të shtatën herë radhazi është kampion bote për Konstruktorë.
I zhgënjyer e nervoz pas kualifikueseve, i jashtëzakonshëm e i pashtershëm në garë: Lewis Hamilton bën një performancë të mrekullueshme në Imola. I kaluar në start nga Max Verstappen, Hamilton ndoqi Bottas e hollandezin për rreth njëzet xhiro për të marrë më pas kreun në pit stop. Kjo e dërrmoi psikologjikisht Bottas që, më pas, vuajti presionin e Verstappen, që arriti edhe ta kalonte në
Variante del Tamburello.
Nuk ishte fati që piloti i Red Bull të ngjitej në podium me dy "All Blacks". Në xhiron 51 në fakt edhe piloti i Red Bull ka dëmtuar makinën nga një pjesë e mbetur. Safety Car në pistë e gara e rihapur, por jo për fitoren. Hamilton fitoi GP e nëntë sezonal (të 93-in në karrierë) ndërsa Bottas duhet të kënaqet me kompletimin e suksesit e pestë të dyfishtë të Shigjetave të Zeza. Titulli i Konstruktorëve numër shtatë (radhazi!) për Mercedes, titulli i Pilotëve - njësoj numër 7 - për Hamilton që do ta provojë që pas 15 ditësh në Turqi.
