Kryetari i Partisë Demokratike, Lulzim Basha ka zhvilluar një bashkëbisedim online me përfaqësuesit e lëvizjes “Diaspora për Shqipërinë e Lirë”. Gjatë fjalës së tij, lideri i PD-së tha se Shqipëria ka nevojë për ta rifituar trurin e emigruar gjatë këtyre 30 viteve. Kryedemokrati thotë se vota e diasporës po sabotohet me qëllim nga qeveria në ikje e socialistëve, por kjo shton ai, do të frenohet nga Partia Demokratike pas ardhjes në pushtet.
“Vlerësova veçanërisht përpjekjen e tyre të drejtë dhe emancipuese për të mundësuar votën e diasporës shqiptare si dhe gatishmërinë për t’u përfshirë në procesin politik, zhvillimin ekonomik dhe ndërtimin e shtetit institucional të së drejtës, që ofron një avantazh shumë të madh për vendin.Shqipëria ka nevojë për ta rifituar trurin e emigruar gjatë këtyre 30 viteve dhe koha më e volitshme për këtë është sot”, shkruan kryetari Basha.
