Dy barazime surprizë në ndeshjet e natës në Botërorin 2026. Uruguai u ndal në rezultatin 1-1 nga Arabia Saudite në Miami, në Grupin H. E ngathët, pa shumë dëshirë dhe e befasuar në minutën e 41-të nga goli i mbrojtësit Abdulelah Al Amri, “La Celeste” e trajnerit argjentinas Marcelo Bielsa ushtroi presion të vazhdueshëm në pjesën e dytë dhe arriti të barazojë në minutën e 80-të me Maxi Araujo.
Irani dhe Zelanda e Re, ndërkohë, barazuan 2-2 në ndeshjen e tyre të debutimit, përpara 70 mijë tifozëve në SoFi Stadium të Los Anxhelosit. Zelandezët e rinj kaluan dy herë në avantazh, por iranianët treguan karakter duke arritur të siguronin një rezultat që bën që të katër skuadrat e Grupit G të kenë të njëjtin numër pikësh pas javës së parë, pas barazimit 1-1 mes Belgjikës dhe Egjiptit. Dygolësh nga Elijah Just (7’ dhe 55’) për Zelandën e Re, ndërsa golat e Iranit u shënuan nga Ramin Rezaeian (32’) dhe Mohammad Mohebi (64’).
