Kryeministri i Shqipërisë Edi Rama ka kërkuar një takim me qeverinë dhe opozitën në Bjellorusi. Shkak për këtë është roli që ka ai si Kryetar i Zyrës së OSBE-së, një rol që po tenton ta shfrytëzojë për të zgjidhur situatën e krijuar përmes dialogut. Pas zgjedhjeve të fundit që nxorrën fituese Lukashenkon më thuajse 80% të votave, në Bjellorusi kanë shpërthyer protesta masive dhe Lukashenko duket se nuk ka ndërmend të tërhiqet përballë opozitës.
Në deklaratën e OSBE-së shprehet shqetësimi për dhunën ndaj protestuesve, ndalimeve dhe torturave dhe keqtrajtimet të pretenduara, ndërsa sqarohet edhe arsyeja e një takimi të mundshëm me Edi Ramën.
“Ne ritheksojmë shqetësimet tona për sjelljen e zgjedhjeve presidenciale në 9 gusht 2020, të cilat nuk mund të vëzhgohen nga Zyra e OSBE-së për Institucione Demokratike dhe të Drejtat e Njeriut, dhe përdorimi jo proporcional i forcës kundër protestuesve paqësorë, ndalimet e përhapura dhe torturat dhe keqtrajtimet e supozuara nga forcat e sigurisë.
Një dialog i hapur dhe konstruktiv është i nevojshëm për të gjetur një rrugëdalje në Bjellorusi.
OSBE-ja është e gatshme ta mbështesë këtë dhe të angazhohet me të gjithë aktorët e interesuar.
Prandaj, një ofertë zyrtare është paraqitur në qeverinë e Bjellorusisë për një vizitë nga Kryetari i Zyrës së OSBE-së, Kryeministri dhe Ministri për Evropën dhe Punët e Jashtme të Shqipërisë, Edi Rama, dhe Kryetari i ardhshëm i OSBE-së, Ministri i Punëve të Jashtme të Suedisë, Ann Linde – të takohet me qeverinë dhe përfaqësuesit e opozitës.
Kryesia e OSBE-së rithekson nevojën urgjente për pajtim të plotë me parimet dhe angazhimet e OSBE-së, përfshirë promovimin dhe mbrojtjen e lirive themelore dhe të drejtave të njeriut, dhe respektimin e sovranitetit dhe integritetit territorial", shkruhet në deklaratën e OSBE-së.
