Një zjarr i përmasave të mëdha ka rënë në një kodër në “Kepin e Limjonit” në Sarandë. Janë të paqarta shkaqet e zjarrit ndërsa flakët kanë filluar në një zonë me shkurre. Për pasojë rrezikohen disa banesa, godinat e marinës dhe ndërtesat e repartit ushtarak.
Për këtë shkak është urdhëruar largimi i varkave të peshkimit nga Gjiri i Limjonit dhe banorët janë njoftuar të jetë në gatishmëri. Në vendngjarje ndodhen 2 zjarrfikëse, por ndërhyrja për shuarjen e tij është e vështirë si pasojë e terrenit dhe errësirës. Kjo zonë është dhënë me koncension dhe është projektuar për t’u ndërtuar si një qytezë e re.
Në përditësim...
