Një barazim 1-1 me Bylis në ndeshjen e fundit nuk i prish festën e titullit Tiranës. Pas 11 vjet pritje në qiellin e Air Albania kapiteni i Tiranës, Erando Karabeci, ngriti lart trofeun e kampionatit të dorëzuar nga presidenti i Republikës së Shqipërisë, Ilir Meta. Një festë legjitime për bardheblutë, pa tifozë në stadium, por që edhe ata jashtë tij I gëzohen një kampionati të fituar me plot meritë, atëherë kur gjithcka u vu në dyshim…deri kur erdhi Egbo në pankinë dhe Tirana vendosi të luajë si Tirana.
