Zëdhënësja e PD, Ina Zhupa ka publikuar disa dokumente në lidhje me drejtorin e DPSHTRR, Blendi Gonxhe të cilin e akuzon se brenda një muaji shtoi 3 kategori shtesë patente për veten e tij.
Dokumentet sipas Zhupës janë nga sistemi i patentave me të gjitha të dhënat dhe duket se ai në periudhën 11 maj - 16 qershor ka fituar 3 kategori shtesë në patentë.
Zhupa thotë se ministrja Balluku bën sikur nuk sheh shkeljet e Gonxhes, por sipas saj Prokuroria duhet t’i hetojë aferat korruptive të drejtorit të DPSHTRR.
“Më poshtë dokumentat nga sistemi i patentave me të gjitha të dhënat e drejtorit të patetave Gonxhe që merr kategoritë për vete nga njerëzit që janë në vartësi dhe njerëzit që kanë të lidhur aktivitetin e tyre pikërisht nga urdhrat e tij. Po ta shikoni edhe nga dokumenti është pikërisht Drejtoria e Transportit Rrugor që drejton Gonxhe.
Brenda një muaji, ditën e parë të hapjes nga karantina 11 maj deri ne 16 qershor Gonxhja i shton 3 kategori për veten e tij nga vartësit e tij. Shpresoj që këto ta ndihmojnë që ti kthehet kujtesa dhe ti përgjigjet publikut për pyetjet e tjera të bëra publikisht.
Balluku, le të bëj sikur nuk dëgjon dhe nuk i shikon shkeljet e Gonxhes, sepse kështu do e ndajnë faturën e abuzimit me detyrën së bashku. Prokuroria ka detyrimin të nis hetimet, dhe ti hyj në thellësi aferave të shumta të Gonxhes” - shkruan Zhupa. ©LAPSI.al
