Edi Rama ka nisrur propagandën me idenë për hapjen e listave së kandidatëve për deputetë. Përmes një video të publikuar në faqen e tij në Facebook, kryeministri deklaron se hapim listat ngaqë Partia Socialiste do atë që duan qytetarët.
“Hapja e listave përfshin qytetarët edhe në zgjedhjen e deputetëve, jo vetëm të partive dhe ne do të hapim listat sepse Partia Socialiste do atë që duan qytetarët”– shkruan Rama.
E pavarësisht kësaj, kryetari i socialistëve që bën sikur po i 'digjet barku' nga mungesa e demokracisë në zgjedhjen e kandidatëve për deputetë, sërish nuk është për hapjen e plotë të listave, por për hapje pjesore duke ruajtur sërish pushtetin në parti. Lëvizja e Ramës për hapje të listave dhe ndalimin e koalicioneve parazgjedhore është një përpjekje e qartë e tij për t'i vënë shkopinj nën rrota opozitës, duke përdorur opozitën paralamentare me Myslim Murrizin etj.
©LAPSI.al
