Nënkryetari i LSDM, Muhamed Zeqiri zbuloi se në karrigen e Presidentit, Kryeministrit, ose Kryeparlamentarit do të ulet një shqiptar.
Zeqiri u pyet nga drejtuesi i emisionit, Sokol Balla, se çfarë do iu japë Zaev shqiptarëve? A mund të jetë presidenti i ardhshëm shqiptar?
Në përgjigjen e tij, nënkryetari i LSDM premtoi që “Gjatë mandatit tonë u bë për herë të parë një kryetar parlamenti shqiptar. Edhe presidenti mund të ndryshojë, por do duhet të kemi diskutim më të gjerë dhe do duhen bërë ndryshime edhe në Kushtetutë. Për ne nuk ka problem. Një nga 3 postet kryesore do të jetë shqiptar”.
