Autoritetet kanë anulluar një nga derbit më të mëdhenj futbollistiok në jug të Brazilit më pak se 24 orë para nisjes së ndeshjes, pasi 14 pjesëtarë të një skuadre kanë rezultuar pozitivë me Covid-19. Kampionati i shtetit të Santa Catarina rifilloi në 8 korrik me katër ndeshje, mes të cilave fitorja në shtëpi 2-0 e Chapecoense përballë Avai (mes dy skuadrave, tradicionalisht ka një rivalitet të ashpër). Ndeshja e kthimit duhet të luhej sot, por është anulluar për shkak të urdhërit të Sekretariatit shëndetësor të shtetit.
“Një nga skuadrat kishte 14 raste të konfirmuar me Covid-19 e është e nevojshme që të gjithë lojtarët të ndjekin masat e mbrojtjes së nevojshme”, ka deklaruar institucioni shtetëror në një komunikatë. Nuk tregohet në fakt në dokument cila nga dy skuadrat ka prodhuar këtë vatër koronavirusi, por globesporte.com, një faqe ëeb braziliane, ka pranuar se bëhet fjalë për Chapecoense. Klubi nuk e ka komentuar raportin. Shteti i Santa Catarina ka regjistruar deri tani 42.026 raste me koronavirus, me 485 vdekje. Deri tani, 71.469 persona kanë humbur jetën në Brazil, më shumë se në cdo vend tjetër jashtë Shteteve të Bashkuara.
