Në Coliseum, në përfundim të sfidës mes Getafe e Villareal, që arriti të dalë me tre pikë, gjakrat janë ndezur më tepër se cduhet. Deri aty, ku sipas asaj që tregon AS, në fund të ndeshjes shpërtheu një rrahje masive mes lojtarëve, që ka detyruar forcat e sigurisë dhe policisë të ndërhyjnë brenda impiantit të Getafe.
Ndeshja në fakt ishte shumë e rëndësishme. Madje gati një ndeshje me eleminim direkt për të vendosur se cila nga skuadrat duhet të luftojë deri në fund me Sevilla për vendin e katërt që të con në Champions League. Villarreal mbërriti në Getafe në vendin e pestë, me vetëm një pikë përpara rivalëve. Pastaj me një tjetër provë fantastike të Santi Cazorla kanë fituar ndeshjen. Por tensioni i një ndeshje të tillë shpërtheu në momentin që arbitri sinjalizoi fundin, duke nisur sherrin të gjithë kundër të gjithëve.
Që gjatë ndeshjes ishin shkëmbyer ofendime mes pankinave, por në fund ndodhi rrëmuja e madhe, që kërkoi ndërhyrjen e policisë për të vendosur qetësinë. Fyerjet dhe provokimet verbale i lanë vendin goditjeve, madje edhe në tunelin e dhomave të zhveshjes. Një fund i papritur që tani mund të ketë pasoja disiplinare, duke qenë se në relacion kanë përfunduar edhe tre lojtarë të Getafe…
