Kampion në Angli, por të shkatërruar në fushë nga Manchester City. Nuk ishte rezultati që do të donte Liverpool në sfidën me Manchester City e vendit të dytë, që përfundoi 4-0. Para fillimit të ndeshjes lojtarët dhe stafi teknik i Sitit, bënë një korridor nderi për Liverpulin për atë që ata arritën këtë sezon. Megjithatë vëmendjen e të gjithëve e tërhoqi Bernardo Silva.
Portugezi është kapur nga kamerat, në kohën nuk duartrokiste për lojtarët e Liverpool që po parakalonin, ndryshe nga pjesa tjetër e skuadrës. Kaq ka mjaftuar që gjesti i lojtarit të nisë të bëjë xhiron në rrjetet sociale.
